السياسات والشروط

سياسة الاسترجاع والاستبدال

القطع المخصصة (باسم أو لون أو مقاس خاص) تُصنع حسب طلبك، فلا تُسترجع ولا تُستبدل إلا إذا وصلت فيها عيب أو تختلف عن الطلب.

لو وصلتك القطعة مكسورة أو فيها عيب، تواصل معنا في واتساب خلال 3 أيام من الاستلام مع صورة، ونعيد طباعتها أو نرجع لك المبلغ.

القطع الجاهزة غير المخصصة تُسترجع خلال 7 أيام بحالتها الأصلية، ورسوم الشحن على العميل.

إلغاء الطلب ممكن قبل بدء الطباعة فقط.

كيف يرجع المبلغ: لو دفعت بالبطاقة (مدى، Visa، Mastercard، Apple Pay)، يرجع المبلغ على نفس البطاقة عن طريق ميسر، ويوصل حسابك عادة خلال 14 يوم حسب بنكك. ولو دفعت تحويل بنكي، نرجعه لك تحويل لنفس الحساب.

الشروط والأحكام

عن المتجر

• المتجر: Rash3D (مؤسسة رشاد حسين فراش)

• النشاط: تصميم وطباعة ثلاثية الأبعاد حسب الطلب

• وثيقة العمل الحر: FL-434478507

• السجل التجاري: 7050716674

• التواصل: واتساب 0555344149

الطلبات والأسعار

• القطع تتصمم وتنطبع لك بعد ما تطلب. الأسعار بالريال السعودي.

• القطع اللي سعرها ثابت يطلع لك إجماليها، واللي تحتاج مراجعة منا (فكرة خاصة أو مقاس خاص) نرسل لك سعرها النهائي في واتساب قبل ما نبدأ.

طرق الدفع

• التحويل البنكي لحساب المتجر (بياناته تطلع لك عند الطلب).

• السعر واحد مهما كانت طريقة الدفع: ما نضيف أي رسوم على الدفع بالبطاقة، ولا نعطي خصم على التحويل أو الكاش.

التجهيز والتوصيل

• مدة التجهيز: 3–5 أيام عمل، وبعدها التوصيل.

• الألوان في الشاشة ممكن تختلف شوي عن القطعة المطبوعة.

الإلغاء والاسترجاع

• سياسة الاسترجاع والاستبدال جزء من هذي الشروط، اقرأها قبل ما تدفع.

الخصوصية

• كيف نتعامل مع بياناتك موضّح في سياسة الخصوصية.

النظام

• تخضع هذي الشروط لأنظمة المملكة العربية السعودية، ومنها نظام التجارة الإلكترونية.

سياسة الخصوصية

خصوصيتك تهمنا. هنا نوضح وش نجمع من بيانات وليش.

• وش نجمع: اسمك، ورقم جوالك، ومدينتك، وعنوانك لو اخترت التوصيل، وتفاصيل طلبك (والصور أو الشعارات اللي ترفعها، وإيصال التحويل لو أرفقته).

• ليش: عشان نجهّز طلبك ونتواصل معك فيه (غالبًا واتساب) ونوصله لك.

• مين يشوفها: ما نبيع بياناتك ولا نعطيها لأحد، إلا اللي يوصّل طلبك، وبقدر اللي يحتاجه بس.

• وين تنحفظ: في خوادم المتجر، ونحتفظ بسجل الطلبات للمحاسبة والضمان. الصور والإيصالات اللي ترفعها ما يشوفها إلا إحنا.

• حسابك: لو سوّيت حساب، نحفظ فيه طلباتك وبياناتك عشان ما تكتبها كل مرة.

• في جوالك: سلتك ومفضلتك وآخر القطع اللي شفتها تنحفظ في متصفحك نفسه، ومعها رقم عشوائي نعد فيه الزيارات ومن وين جت (تيك توك، قوقل…) والقطع اللي تنفتح، بدون اسمك ولا رقمك. ما نستخدم أي أدوات تتبّع إعلانية.

• الدفع بالبطاقة: الدفع بالبطاقة يتم عن طريق شركة ميسر المالية، المرخّصة من البنك المركزي السعودي (ساما). بيانات بطاقتك تروح لهم مباشرة في صفحة آمنة، وإحنا ما نشوفها ولا نحفظها، يوصلنا بس هل الدفع تم أو لا.

• حقوقك: تقدر تطلب نسخة من بياناتك أو تعديلها أو حذفها في أي وقت، كلمنا في واتساب.